درجہ حرارت معمول توں ودھ رہن دا امکان، پی ڈی ایم اے دا الرٹ جاری

ترجمان پی ڈی ایم اے (PDMA) دے مطابق پنجاب دے بوہتے اضلاع وچ درجہ حرارت معمول توں 5 توں 7 ڈگری سینٹی گریڈ ودھ رہن دا امکان اے، پنجاب وچ 25 توں 31 مئی دے دوران شدید گرمی دی لہر متوقع اے، بالائی پنجاب وچ درجہ حرارت 42 توں 45 ڈگری تک رہن دا امکان اے۔

پی ڈی ایم اے دے مطابق راولپنڈی، اٹک، چکوال، جہلم، لاہور، گجرات، گوجرانوالہ، حافظ آباد، منڈی بہاؤالدین، سیالکوٹ، نارووال، اوکاڑہ، قصور تے فیصل آباد وچ درجہ حرارت وچ اضافے دا امکان اے۔

ڈیرہ غازی خان، ملتان، خانیوال، پاکپتن، رحیم یارخان، راجن پور، بہاولپور، بہاولنگر، بھکر، لیہ، کوٹ ادو، سرگودھا، جھنگ، خوشاب، میانوالی، نور پور تھل تے ساہیوال وچ وی درجہ حرارت وچ اضافہ متوقع اے۔

الرٹ دے مطابق جنوبی پنجاب وچ درجہ حرارت 47 توں 50 ڈگری سینٹی گریڈ تک جان دا امکان اے، ریلیف کمشنر پنجاب نبیل جاوید نے کمشنرز تے ڈی سیز نوں الرٹ رہن دی ہدایت جاری کر دتی اے۔