بجلی دے بل تے کیو آر کوڈ دے بہانے صارفین دی معلومات چوری ہون دا خطرہ، پاور ڈویژن نے ایڈوائزری جاری کر دتی۔

بجلی دے بل تے کیو آر (QR) کوڈ دے بہانے صارفین دی معلومات چوری ہون دا خطرہ اے، پاور ڈویژن نے صارفین لئی ایڈوائزری جاری کر دتی۔

پاور ڈویژن نے آکھیا اے کہ صارفین نوں اک خاص لنک تے اپنی معلومات شیئر کرن لئی آکھیا جاندا اے، معلومات درج کرن توں بعد 6 ہندسیاں والا کوڈ منگیا جاندا اے۔ پاور ڈویژن دا کہنا اے کہ کجھ ماڑے (مذموم) عناصر کیو آر کوڈ دا استعمال کر کے اپنے غلط مقصد پورے کرنا چاہندے نیں، بل توں علاوہ متعلقہ معلومات کسی ہور پلیٹ فارم تے درج نہیں ہو سکدیاں۔ معلومات درج کرن دا اے طریقہ غلط تے غیر قانونی اے۔ صارفین سبسڈی لئی کسی بھی ڈیجیٹل ڈیوائس یا کاغذ تے اپنی معلومات درج نہ کرن۔