آرٹک بحران: کچے تیل توں بعد کھان والے تیل دا امپورٹ بل وی ریکارڈ پدھر تے اپڑ گیا
پاکستان دا کھان والے تیل دا امپورٹ بل ریکارڈ 3.4 ارب ڈالر تک اپڑ گیا، پام آئل منگوان والا دنیا دا چوتھا بڑا ملک بنیا: او آئی سی سی آئی
پاکستان دا کچے تیل توں بعد کھان والے تیل دا درآمدی (امپورٹ) بل وی سب توں اچی ریکارڈ پدھر تے اپڑ گیا اے۔ او آئی سی سی آئی دی رپورٹ دے مطابق پاکستان نے کھان والے تیل نوں باہروں منگوان لئی 3 ارب 40 کروڑ ڈالر خرچ کر کے نواں ریکارڈ بنا دتا اے، جیدے توں بعد پاکستان پام آئل امپورٹ کرن والا دنیا دا چوتھا وڈا ملک بن گیا اے۔
رپورٹ وچ دسیا گیا اے کہ زرعی دھرتی ہون دے باوجود اپنے ملک وچ لوڑ دا صرف 15 فیصد کھان والا تیل تیار ہوندا اے، جدکہ مالی سال 2020ء دے مقابلے وچ اے امپورٹ بل ہن دُگنا (ڈبل) ہو چکا اے۔ اوورسیز انویسٹرز چیمبر کامرس دے مطابق پاکستان دا کھان والے تیل دا بل ملک دے پڑھائی (تعلیمی) بجٹ توں وی ودھ گیا اے، تے حیرت دی گل اے کہ دھرتی دے 37 فیصد لوک کھیتی باڑی (زراعت) نال جڑے ہون دے باوجود وی آئل سیڈ (تیل والے بیجاں) دی بیجائی نوں ودھا نہیں سکے۔
رپورٹ دے مطابق کھان والے تیل دا تتیجا (تیسرا) حصہ پورا کرن لئی سانوں فالتو کماد (گنے) دی بیجائی گھٹ کر کے اوہدی جگہ کینولا تے سورج مکھی دی کاشت ول آونا پئے گا۔
