عراق توں پاکستان لئی سدھیاں پروازاں دا سلسلہ پھر توں شروع

امریکا تے اسرائیل ولوں ایران تے حملیاں دے 86 دناں بعد عراق توں پاکستان لئی سدھیاں (براہِ راست) پروازاں دا سلسلہ پھر توں شروع ہو گیا اے۔

بغداد توں عراق ایئر دی پہلی پرواز “آئی اے 409” اج سویرے 4 بج کے 53 منٹ تے کراچی پہنچی، ایسے طرح کراچی توں عراق ایئر دی پرواز “آئی اے 410” سویرے 7 بج کے 14 منٹ تے بغداد لئی روانہ ہوئی۔

ایس روٹ تے آخری پرواز 28 فروری نوں بغداد توں سدھی کراچی آئی سی، جدکہ “آئی اے 409” نے آخری واری 15 فروری نوں کراچی دا سفر کیتا سی۔ ایہ پروازاں 2 تے 3 مئی نوں وی شیڈول دا حصہ سن پر اوہناں نوں منسوخ کر دتا گیا سی۔

عراق ایئر ولوں چھیتی ہی بغداد توں اسلام آباد لئی وی پروازاں شروع کرن دا اعلان کیتا گیا اے۔