عید دی آمد نال کانگو وائرس دے خطرے ودھن دا خدشہ

عیدالاضحیٰ دی آمد نال ہی کانگو وائرس دے خطرے ودھن دا خدشہ پیدا ہو گیا اے۔

ایس بارے طبی ماہرین (ڈاکٹراں) دا کہنا اے کہ شہری قربانی لئی جانور خریددے تے اوہناں نوں سنبھالدے ویلے احتیاطی تدابیر اپناؤن، عیدالاضحیٰ دے دناں وچ جانوراں تے چیچڑ مار سپرے ضرور استعمال کرن۔

طبی ماہرین نے اکھیا اے کہ قربانی کردے ویلے دستانے، ماسک تے حفاظتی کپڑے ورتے جان، تے جانوراں دے خون تے آلائشاں (اوجھڑی وغیرہ) نوں سدھا ہتھ لاؤن توں پرہیز کیتا جائے۔

ماہرین نے دَسیا اے کہ کانگو وائرس چیچڑ دے وڈھن (کاٹنے) یا بیمار جانور دے خون پاروں انسان وچ پھیلدا اے، جے بخار، پنڈے (جسم) وچ پیڑ یا خون بہن دیاں علامتاں دِسن تے ترت (فوری) ہسپتال توں طبی امداد لئی جائے۔

طبی ماہرین دا ایہ وی کہنا اے کہ عیدالاضحیٰ دے موقعے تے شہری صفائی ستھرائی تے بچاؤ دے اصولاں دا خاص خیال رکھن۔