عوامی ٹرانسپورٹ وچ اوورچارجنگ تے اوورلوڈنگ دے خلاف سخت کارروائی دا حکم

وزیراعلیٰ پنجاب مریم نواز شریف نے عیدالاضحیٰ دے موقعے تے عوامی ٹرانسپورٹ وچ اوورچارجنگ (ودھ کرایہ لین)، اوورلوڈنگ (گنجائش توں ودھ سواریاں بٹھان) تے ان فٹ گڈیاں دے خلاف سخت کارروائی دا حکم دے دتا اے۔

وزیراعلیٰ نے ڈپٹی کمشنرز (DCs) تے ڈی پی اوز (DPOs) نوں ساریاں بساں تے بس اڈیاں (سٹینڈز) دی چیکنگ پکی کرن دی ہدایت کیتی اے۔

مریم نواز شریف نے حکم دتا کہ ہر بس تے بس اڈے تے کرایہ نامہ (فئیر لسٹ) صاف طریقے نال لایا (آویزاں کیتا) جائے تاں جے مسافراں توں ودھ کرایہ نہ وصول کیتا جا سکے، اوہناں نے ودھ کرایہ لین والیاں بساں دے روٹ پرمٹ تے بس اڈیاں دے اجازت نامے منسوخ کرن دی وی ہدایت جاری کیتی۔

وزیراعلیٰ نے فٹنس سرٹیفکیٹ توں بغیر چلن والی ٹرانسپورٹ بند کرن تے مسافراں دی اوورلوڈنگ تے پوری پابندی پکی کرن دا حکم دتا، ایس توں وکھ بس اڈیاں تے مسافراں لئی ٹھنڈے پانی دا انتظام کرن دی وی ہدایت کیتی گئی اے۔

محکمہ ٹرانسپورٹ نے مسافراں دی شکایتاں نوں دور کرن لئی 1071 ہیلپ لائن بنا دتی اے، جہاں شہری اوورچارجنگ بارے اپنی شکایتاں درج کروا سکدے نیں۔