سعید انور دیاں حج دے موقعے اتے لئیاں گئیاں تصویراں سبھ دی توجہ دا مرکز بن گئیاں
سعید انور دیاں حج دے موقعے اتے لئیاں گئیاں تصویراں سبھ دی توجہ دا مرکز بن گئیاں
پاکستان ولوں 55 ٹیسٹ میچاں وچ ملک دی نمائندگی کرن والے کھبے ہتھ دے بلے باز سعید انور دیاں حج دے موقعے اتے لئیاں گئیاں تصویراں سبھ دی توجہ دا مرکز بن گئیاں نیں ۔
سعید انور جپ توں تبلیغ ول گئے نیں، اوہ لائم لائٹ (میڈیا دی چمک دمک) وچ نہیں آؤندے تے اوہناں دیاں تصویراں کدے کدائیں ہی سہمنے آؤندیاں نیں، پر حج دے موقعے اتے سہمنے آؤن والیاں تصویراں وائرل ہو گئیاں نیں ۔
سعید انور دے نال سابق کپتان وسیم اکرم تے مصباح الحق وی موجود نیں، وسیم اکرم، مصباح الحق تے فخر عالم اکٹھے حج کرن گئے ہوئے نیں ۔
سعید انور دیاں تصویراں گلوکار تے اینکر فخر عالم نے سوشل میڈیا اتے پوسٹ کیتیاں نیں، دوجے پاسے اولمپک گولڈ میڈلسٹ ارشد ندیم بھی حج دی سعادت لئی مکہ وچ موجود نیں ۔
واضح رہے کہ مناسکِ حج دا آغاز ہو گیا اے تے عازمینِ حج خیمیاں دے شہر منیٰ پہنچنا شروع ہو گئے نیں تے منیٰ پہنچن دا ایہ عمل اج دوپہر تیکر جاری رہے گا ۔
عازمین اج رات منیٰ وچ قیام کرن گے تے کل منگل 9 ذی الحج نوں حج دے رکنِ اعظم ‘وقوفِ عرفہ’ لئی منیٰ توں عرفات روانہ ہون گے ۔
