مریم نواز دا وڈا بیان: بچیاں دی زندگی سنوارن لئی ماں پیو دیاں قربانیاں نوں سلام

وزیر اعلیٰ مریم نواز شریف نے بالاں (بچیاں) دی پرورش تے کردار سازی وچ ماپیاں (والدین) دیاں لازوال قربانیاں نوں سلام (خراجِ تحسین) پیش کیتا اے۔

ماپیاں دے عالمی دیہاڑے (والدین کے عالمی دن) اتے اپنے خاص پیغام وچ وزیر اعلیٰ مریم نواز شریف نے سارے ماپیاں نوں ڈھیروں سلام گھلیا، تے بچیاں دی پرورش تے اوہناں دی تربیت وچ ماپیاں دیاں لازوال قربانیاں دی سلاہنا کیتی۔

اوہناں نے ماپیاں دیاں قربانیاں، پیار تے بچیاں دی زندگی وچ اوہناں دے کردار نوں وی سراہیا۔

اوہناں دا کہنا سی کہ ماپیاں دے آدر (احترام)، حقاں تے ذمہ داریاں بارے لوکاں وچ جانکاری (شعور) بیدار کرن لئی ایہ دن دنیا پدھر اتے منایا جاندا اے، دنیا دی سب توں وڈی نعمت ماں پیو نیں، اوہناں دا پیار، دعاواں تے رہنمائی بالاں لئی سب توں قیمتی سرمایہ (اثاثہ) ہوندی اے۔

مریم نواز شریف نے آکھیا کہ زندگی وچ ہر کامیابی اپنے ماپیاں دی بدولت حاصل کیتی اے، میرے والد تے قائد محمد نواز شریف نے ہمیشہ غریب تے لوڑواند (نادار) بندیاں دی خدمت کرن دا سبق دتا، جدوں چیف منسٹر دا عہدہ سنبھالیا تے میرے والد محمد نواز شریف نے سب توں ودھ میری ہلاشیری (حوصلہ افزائی) کیتی۔