یورپی یونین دی اعلیٰ نمائندہ برائے خارجہ امور کایا کلاس دی دفتر خارجہ آمد
یورپی یونین دی اعلیٰ نمائندہ برائے خارجہ امور کایا کلاس دی دفتر خارجہ آمد ہوئی، جتھے نائب وزیر اعظم اسحاق ڈار نے کایا کلاس دا استقبال کیتا۔
کایا کلاس نائب وزیر اعظم تے وزیر خارجہ محمد اسحاق ڈار دی دعوت اتے پاکستان دا دورہ کر رہیاں نیں۔ دورے دے دوران اسحاق ڈار تے کایا کلاس پاکستان-یورپی یونین سٹریٹجک مذاکرات دے اٹھویں اجلاس دی سانجھی (مشترکہ) صدارت کرن گے۔
دفتر خارجہ دے ترجمان دے مطابق یورپی یونین دی اعلیٰ نمائندہ وزیراعظم تے صدرِ مملکت سمیت پاکستان دی اعلیٰ قیادت نال وی ملاقاتاں کرن گیاں۔
ترجمان دفتر خارجہ دا کہنا اے کہ ایہ دورہ پاکستان تے یورپی یونین دے وچکار اعلیٰ پدھر دے سیاسی رابطیاں دے تسلسل نوں دَساندا اے۔ ایہ دوہاں دھریاں (فریقوں) دے اس سانجھے عزم نوں وی ظاہر کردا اے کہ پاکستان-یورپی یونین سانجھے داری (شراکت داری) نوں ہور مضبوط بنایا جائے۔
