گھوٹکی تے کشمور وچ مٹی دے طوفان نے تباہی مچا دتی 3 بندے جاں بحق تے 60 توں ودھ زخمی ہو گئے۔
سندھ تے پنجاب دے وکھو وکھ اضلاع (ضلعیاں) وچ مٹی دے طوفان نے تباہی مچا دتی، گھوٹکی تے کشمور وچ وکھ وکھ حادثیاں وچ بچی سمیت 3 بندے جاں بحق تے 60 توں ودھ زخمی ہو گئے۔
گھوٹکی تے آلے دوالے (گرد و نواح) وچ ہنیری پاروں وکھ وکھ حادثیاں وچ اک بچی جاں بحق تے 60 بندے زخمی ہوئے۔
کشمور وچ ہنیری پاروں وکھ وکھ حادثیاں وچ 2 بندے جاں بحق جدکہ 8 زخمی ہو گئے۔
راجن پور وچ رُکھ (درخت)، سائن بورڈ، بجلی دے کھمبے تے تاراں ٹٹ گئیاں، کئی علاقیاں وچ بجلی دی سپلائی بند ہو گئی، جدکہ دادو دے علاقے گورکھ ہل اسٹیشن وچ بھی طوفان پاروں ہٹس (جھونپڑیاں) دیاں چھتاں اڈ گئیاں۔
اسسٹنٹ کمشنر گھوٹکی دے مطابق تیز ہنیری پاروں رُکھ، سولر پلیٹاں تے دِواراں (دیواریں) ڈگن نال تحصیل ہسپتال اوباڑو وچ 50 زخمی لیائے گئے نیں، جدکہ اک بچی جاں بحق ہو گئی۔ ڈہرکی ہسپتال وچ وی 5 زخمیاں نوں لیایا گیا۔
سندھ تے پنجاب دے کچھ ہور شہراں وچ وی مٹی دا طوفان آیا۔
