“پنجاب دے مدارس اکو رجسٹریشن نظام ہیٹھ لے کے آؤن دا فیصلہ”

لہور: پنجاب بھر دے مدارس نوں اکو رجسٹریشن نظام ہیٹھ لے کے آؤن دا فیصلہ کیتا گیا اے۔

مدارس دے پیسے دھیلے (مالیات)، انتظام، غیر ملکی طلبہ تے اساتذہ سمیت سارا ریکارڈ حکومت نوں دینا ہووے گا۔ علمائے کرام نال صلاح مشورہ (مشاورت) کر لئی گئی اے؛ دہشت گردی، انتہاپسندی تے کالعدم تنظیماں نال لاتعلقی دا حلف نامہ لازمی ہووے گا۔ ایس لئی 15 صفحیاں تے مشتمل تجویز کیتا گیا فریم ورک تیار کر لیا گیا اے۔

حکومتِ پنجاب نے صوبے بھر دے دینی مدارس دی رجسٹریشن تے دستاویزی ریکارڈ لئی اک جامع تے دور رس فریم ورک تیار کر لیا اے، جس دے تحت مدارس دی انتظامیہ، مالی معاملات، انفرااسٹرکچر، تعلیمی سرگرمیاں، اساتذہ، طلبہ، غیر ملکی شہریاں تے فنڈنگ دے ذریعیاں سمیت وڈے پدھر تے معلومات حاصل کیتیاں جان گئیاں۔

ایس مقصد لئی وکھو وکھ مکاتبِ فکر دے علماء، دینی تنظیماں تے وفاق المدارس نال صلاح مشورہ جاری اے تاکہ سب دی مرضی (اتفاقِ رائے) نال آخری نظام تیار کیتا جا سکے۔