لہوریئے بالاں وانگوں نیں، دل آزاری ہوئی تے معافی چاہنی آں: یاسمین راشد
لہور: وزیر صحت پنجاب یاسمین راشد آکھیا اے لہوریاں لئی دل ماں دی طرح دھڑکدا اے، میرے توں ودھ کے کوئی لہوری نہیں۔ میرے کسے بیان توں دل آزاری ہوئی تے معافی چاہنی آں۔ وزیر صحت یاسمین راشد دا کہنا سی سارے لہوریئے میرے بالاں دی طرح نیں، میں آپ لہورن آں۔ میری عمر 70ورھے اے، اپنے آپ نوں لہوریاں دی ماں سمجھنی آں ایس لئی ایہناں نوں اپنے بالاں دی طرح ڈانٹ کے سمجھا سکنی آں۔ اوہناں آکھیا کورونا دے خلاف ایس او پیز تے عملدرآمد نہ کرن تے دل دی بھڑاس کڈھی جہدے توں کسے دی دل آزاری ہوئی تے معذرت چاہنی آں۔
