صدر، وزیراعظم سنے دوجے رہنماواں دا طارق عزیز دے انتقال اُتے اظہار افسوس

اسلام آباد: صدر مملکت عارف علوی، وزیراعظم تے دوجی سیاسی شخصیات نے طارق عزیز دی وفات تے افسوس دا اظہار کیتا۔ عمران خان آکھیا طارق عزیز دی وفات تے افسردہ آں، اوہ اپنے دور دے آئکن تے ٹی وی گیم شو دے بانی سن۔ قائد حزب اختلاف شہباز شریف نے ممتاز فکار تے پروگرام نیلام گھر دے نامور میزبان طارق عزیز دے انتقال تے رنج و غم تے افسوس دا اظہار کیتا۔ اوہناں آکھیا ریڈیو، ٹی وی، فلم دے ہر میڈیم تے طارق عزیز نے اپنی قابلیت تے صلاحیتاں دا لوہا منوایا۔وزیراعلیٰ پنجاب عثمان بزدار نے وی طارق عزیز دے انتقال تے دکھ تے افسوس دا اظہار کیتا۔ اوہناں آکھیا طارق عزیز نے ٹی وی کمپیئرنگ دے فن وچ نئی جہت متعارف کرائیاں، طارق عزیز دا وکھرا انداز اوہناں دی وجہ شہرت سی۔وفاقی وزیر اطلاعات شبلی فراز نے وی معروف آرٹسٹ تے طارق عزیز شو دے بانی طارق عزیز دی وفات تے گہرے دکھ تے افسوس دا اظہار کیتا۔ اوہناں دا کہنا سی طارق عزیز نے دہائیاں تک پی ٹی وی دے راہیں پاکستانی عوام نوں تعلیم و تفریح فراہم کیتی۔وزیر اطلاعات پنجاب فیاض الحسن چوہان دا کہنا سی طارق عزیز نے نیلام گھر پروگرام دے راہیں کئی نسلاں نوں اپنی ثقافت تے ادب نال روشناس کرایا، ملک وچ آرٹ، ثقافت تے ٹیلی ویژن لئی اوہناں دی خدمات کدی فراموش نہیں کیتی جا سکدی۔