اسلام آباد وچ مارکیٹاں تے دکاناں دے کّم کاج دے ویلےوچ وادھا

اسلام آباد وچ مارکیٹاں تے دکاناں دے کّم کاج دے ویلے (اوقات کار) وچ وادھا کر دتا گیا اے۔

انتظامیہ ولوں جاری نویں ویلے دے مطابق اسلام آباد وچ دکاناں، مارکیٹاں، شاپنگ مالز تے جنرل ریٹیل رات 9 بجے تکر کھلے رہ سکن گے۔

نوٹیفکیشن دے مطابق ریسٹورینٹس رات 11 بجے تکر کھلے رہیں گے جد کہ ٹیک اوے تے ڈلیوری سروسز نوں چھٹ (استثنیٰ) ہوئے گی۔

ایس توں اڈ (علاوہ) شادی ہالز تے تقریباں والیاں جگہواں دا ویلا رات 10 بجے تکر برقرار رکھن دا فیصلہ کیتا گیا اے۔

فارمیسی، ہسپتال، پیٹرول پمپس، آئی ٹی تے ٹیلی کام نال جڑیاں ضروری خزمتاں ویلے دی پابندی توں آزاد (مستثنیٰ) ہون گیاں۔