35 وڑھیاں توں وڈی عمر دیاں غیر شادی شدہ سوانیاں نوں بی آئی ایس پی وچ شامل کرن دا فیصلہ

اسلام آباد: 35 سال توں وڈی عمر دیاں غیر شادی شدہ سوانیاں (خواتین) نوں بی آئی ایس پی (BISP) وچ شامل کرن دا فیصلہ کیتا گیا اے۔

تفصیلات دے مطابق پی اے سی (PAC) ذیلی کمیٹی دا اجلاس ہویا جِہدے دوران کمیٹی ممبر بلال مندوخیل نے آکھیا کہ بے نظیر انکم سپورٹ پروگرام وچ غیر شادی شدہ سوانیاں شامل نہیں۔

بلال مندوخیل دا کہنا سی کہ سب توں زیادہ مدد دیاں حق دار اوہ غیر شادی شدہ سوانیاں نیں جِہناں دا کوئی نہیں ہوندا۔

ایس گل تے بی آئی ایس پی (BISP) دے حکام نے آکھیا کہ 35 سال توں وڈی عمر دیاں غیر شادی شدہ سوانیاں نوں بی آئی ایس پی وچ شامل کر رہے آں۔