کراچی دے سرکاری ہسپتالاں وچ ہر دہاڑے آوارہ کُتیاں دے وڈھدے 150 توں ودھ کیس سامنے آؤن دا انکشاف
کراچی دے سرکاری ہسپتالاں وچ ہر دہاڑے (یومیہ) آوارہ کُتیاں دے وڈھݨ (حملوں) دے 150 توں ودھ کیس سامنے آؤن دا انکشاف ہویا اے۔
تازہ ترین واقعہ کراچی دے علاقے ‘کورنگی انڈسٹریل ایریا’ وچ پیش آیا جتھے گلی وچ کھیڈدی بالڑی (بچی) تے آوارہ کُتیاں نے حملہ کر دتا، جِہدے پاروں بچی دے منہ (چہرے) تے ڈاڈھے پھٹ (زخم) آئے۔
ہسپتال انتظامیہ دا کہنا اے کہ سرکاری ہسپتالاں وچ آوارہ کُتیاں دے حملیاں دے روزانہ 150 توں ودھ کیس آ رہے نیں، تے زیادہ تر کیس کورنگی، لانڈھی تے حب چوکی توں رپورٹ ہوندے نیں.
دَسیاں گلاں (ذرائع) دے مطابق چالو سال (رواں سال) آوارہ کُتیاں دے وڈھݨ پاروں 10 موتاں ہو چکیاں نیں تے 40 ہزار توں ودھ لوکاں دے زخمی ہون دے کیس رپورٹ ہوئے نیں۔
