بلوچستان وچ پیٹرولیم مصنوعات دا بحران اک لیٹر پیٹرول تے ڈیزل 500 روپے وچ ویچیا جان لگا
بلوچستان وچ پیٹرول تے ڈیزل دے بحران (تھوڑا) پاروں اک لیٹر پیٹرول یا ڈیزل 500 روپے وچ ویچیا جاݨ لگا اے۔
کوئٹہ وچ پیٹرول تے ڈیزل دی قلت (کمی) پاروں وکھو وکھ (مختلف) علاقیاں وچ ہجے وی کچھ پیٹرول پمپ بند پئے نیں، تے جیہڑے پیٹرول پمپ کھلے نیں اوتھے شہریاں دا رش ودھ گیا اے تے لمیاں لمیاں قطاراں نظر آ رہیاں نیں، جِہدے توں شہری ذہنی پریشانی (کوفت) دا شکار نیں۔
صوبے دے اندرلے علاقیاں وچ پیٹرول دی قلت دا بحران ہور ڈاڈھا (شدید) ہو گیا اے۔ نوشکی، خاران تے لورالائی وچ فی لیٹر قیمت 500 روپے تیکر پہنچ گئی اے۔
صدر پیٹرولیم ڈیلرز ایسوسی ایشن ‘قیام الدین آغا’ دے مطابق شکار پور توں پیٹرول دی فراہمی ودھا دتی گئی اے، تے اک دو دِناں وچ حالات معمول تے آ جاݨ گے۔
ڈی سی کوئٹہ دا کہنا اے کہ ایرانی پیٹرول دی سپلائی بند ہوݨ پاروں پیٹرول پمپاں تے رش ودھیا اے، اَج کوئٹہ دے پیٹرول پمپاں نوں 6 لاکھ لیٹر پیٹرول سپلائی کیتا گیا اے۔
