پنجاب وچ کاروباری مرکزاں دے نویں ویلے متھ دتے گئے
لاہور: پنجاب حکومت نے صوبے وچ کاروباری مرکزاں (مارکیٹاں) دے نویں ویلے (اوقات) متھ دتے نیں، جیہڑے تُرت (فوری) لاگو ہووݨ گے۔
چیف سیکرٹری پنجاب ولوں جاری کیتے گئے نوٹیفکیشن دے مطابق، صوبے وچ کاروباری مرکزاں دے نویں اوقات کار گرمیاں وچ دِہاضے (دن) دا دورانیہ تے گرمی (درجہ حرارت) ودھݨ نوں دیکھدیاں متھ دتے گئے نیں۔
نوٹیفکیشن دے مطابق دکاناں، بازار، شاپنگ مالز، ڈپارٹمنٹل تے کریانے دیاں دکاناں رات 9 بجے بند کیتیاں جاݨ گیاں، جَد کہ شادی ہالز، مارکیز تے تقریباں والیاں جگہواں رات 10 بجے تیکر ہووݨ گیاں۔ ایس توں وکھ (اس کے علاوہ) ریسٹورینٹس، سنیما گھر، فوڈ آؤٹ لیٹس، پھلاں تے سبزیاں دیاں دکاناں رات 11 بجے تیکر کھولیاں جا سکݨ گیاں، جَد کہ ٹیک اوے تے ہوم ڈیلیوری سروسز نوں ایس پابندی توں چھٹی (استثنیٰ) ہووے گی۔
میڈیکل اسٹوراں، لیبارٹریاں، کلینکس تے ہسپتالاں نوں وی نویں اوقات توں چھٹی دتی گئی اے۔
ایسے طرحاں بیکریاں، تندوراں، ددھ تے ڈیری دیاں دکاناں، پیٹرول پمپ، سی این جی اسٹیشن تے الیکٹرک گاڈیاں (EVs) دے چارجنگ اسٹیشناں تے وی ایہ پابندی لاگو نہیں ہووے گی۔
نوٹیفکیشن دے مطابق جم، کھیڈاں دیاں جگہواں (سہولیات)، آئی ٹی (IT) کمپنیاں تے کال سینٹرز وی نویں اوقاتِ کار توں آزاد (مستثنیٰ) ہووݨ گے۔
سارے ڈویژنل کمشنرز، ڈپٹی کمشنرز تے متعلقہ اداریاں نوں ہداہتاں جاری کر دتیاں گیاں نیں کہ ایس نوٹیفکیشن تے عمل کروانا پکا کیتا جاوے۔
دوجے پاسے، بلوچستان حکومت نے وی صوبے وچ کاروباری تے تجارتی مرکزاں نوں بند کرن بارے نوٹیفکیشن جاری کر دتا اے۔
محکمہ نظم و نسق ولوں جاری نوٹیفکیشن دے مطابق، وفاقی حکومت دی ہداہت دی روشنی وچ صوبے دیاں دکاناں، مارکیٹاں، شاپنگ مالز تے اسٹورز رات 9 بجے جَد کہ شادی ہالز، مارکیز تے دوجے تجارتی مرکز رات 10 بجے بند کر دتے جاݨ گے۔
ایس توں وکھ ریسٹورینٹس، کیفے، سبزیاں تے پھلاں دیاں دکاناں رات 11 بجے بند ہووݨ گیاں۔
نوٹیفکیشن دے مطابق میڈیکل اسٹورز، ہسپتال، لیبارٹریز، سی این جی اسٹیشنز تے پیٹرول پمپ بند ہووݨ دے ویلے توں آزاد (مستثنیٰ) ہووݨ گے۔
