زیادتی ہوئی سی تاں اوس بندے نال ویاہ کیوں کیتا؟ زیادتی دے خلاف سوانی دی درخواست خارج
اسلام آباد: وفاقی آئینی عدالت نے زیادتی دے خلاف سوانی دی درخواست خارج کر دتی اے۔
وفاقی آئینی عدالت دے جسٹس حسن رضوی دی سربراہی وچ تِن رکنی بینچ نے ایس کیس دی سماعت کیتی۔
سماعت دے دوران جسٹس حسن رضوی نے سوال چُکیا کہ جے سوانی نال زیادتی ہوئی سی تاں اوہنے اوسے بندے نال ویاہ (شادی) کیوں کر لیا؟ جِس تے متاثرہ سوانی دی وکیل نے جواب دتا کہ ملزم نے اپنے جُرم تے پردہ پاؤݨ لئی سوانی نال ویاہ کیتا سی۔
ایس گل تے جسٹس روزی خان نے پچھیا کہ جے ویاہ کر لیا سی تاں پھر سوانی نوں طلاق کیویں ہو گئی؟ سوانی دی وکیل نے عدالت نوں دَسیا کہ ملزم نے 17 جون 2025 نوں زیادتی کیتی سی تے 26 جون نوں دوواں دا ویاہ ہو گیا۔
وکیل نے ہور آکھیا کہ 6 اگست نوں ملزم نے سوانی نوں طلاق دے دتی، جِس تے جسٹس روزی خان نے ریمارکس دتے کہ ریپ، ویاہ تے طلاق… ایہ سبھ کچھ بہت چھیتی (جلدی) نہیں ہو گیا؟
جسٹس روزی نے آکھیا کہ ایہو جیہیاں کہانیاں تاں فلماں وچ ہوندیاں نیں، جِس توں بعد عدالت نے سوانی دی درخواست خارج کر دتی۔
