نور مقدم قتل کیس: سپریم کورٹ توں ظاہر جعفر دی نظرِ ثانی درخواست مسترد سزائے موت برقرار
اسلام آباد: سپریم کورٹ نے نور مقدم قتل کیس وچ مجرم ظاہر جعفر دی نظرِ ثانی درخواست مسترد کردیاں ہویاں اوہدی سزائے موت برقرار رکھی اے۔
سپریم کورٹ وچ جسٹس ہاشم کاکڑ دی سربراہی وچ جسٹس صلاح الدین پنہور تے جسٹس اشتیاق ابراہیم تے مشتمل تِن رکنی بینچ نے کیس دی سماعت مکمل کر کے فیصلہ سݨایا۔
سماعت دے دوران ملزم دے وکیل نے دلیلاں دیندیاں ہویاں آکھیا کہ سبھ توں پہلاں میں ایہ مندا (تسلیم کرتا) آں کہ مقتولہ نور مقدم نال ظلم ہویا اے، میں مقتولہ دے ٹبر (خاندان) دے ساہمنے معافی منگدا آں۔ اوہناں نے آکھیا کہ میریاں دلیلاں دا اصل مرکز واردات (وقوعہ) ویلے مجرم دی دماغی حالت اے۔ واردات تے ٹرائل دے ویلے میرے موکل دی دماغی حالت ٹھیک نہیں سی، پر میں ایہ نہیں آکھاں گا کہ میرے موکل نے قتل نہیں کیتا۔
عدالت نے سماعت توں بعد اپنا فیصلہ سݨاؤندیاں ہویاں مجرم ظاہر جعفر دی نظرِ ثانی درخواست نوں خارج کر دتا تے سزائے موت دا فیصلہ برقرار رکھیا۔
