دریائے سندھ تے گائیڈ بند ٹٹن پاروں وڈا علاقہ ڈُب گیا کئی پنڈ متاثر

دریائے سندھ تے بݨے لیہ تونسہ پُل دا کروڑاں روپے دی لاگت نال بݨیا شرقی گائیڈ بند ٹٹ گیا، گائیڈ بند ٹٹݨ پاروں وڈا علاقہ ڈُب گیا (زیرِ آب) تے کئی پنڈ (دیہات) متاثر ہوئے نیں۔

ذرائع دے مطابق گائیڈ بند دی مرمت تے بحالی لئی 34 کروڑ روپے دا ٹھیکہ دتا گیا سی، ایس 34 کروڑ دے منصوبے چوں ٹھیکیدار اقبال لغاری نوں 28 کروڑ روپے ادا کیتے جا چکے نیں۔

مرمتی کم وچ وٹّیاں (پتھروں) دی تھاں مٹی نال بھرے ہوئے توڑے (بورے) ورتݨ (استعمال کرنے) دا انکشاف ہویا اے، ناقص میٹریل دے استعمال پاروں گائیڈ بند ٹٹیا۔

لنگھے مہینے اگست وچ وی سیلاب دے دوران گائیڈ بند ٹٹ گیا سی، 34 کروڑ روپے نال مرمت تے بحالی دے باوجود گائیڈ بند دریائے سندھ وچ پانی دے معمولی وادھے (اضافے) تے ای ٹٹ گیا۔