2050 تیکر لہور تے فیصل آباد دنیا دے گرم ترین شہراں وچ شمار ہو سکدے نیںتحقیق وچ انکشاف
حالیہ تحقیق وچ پاکستان دا شمار موسمیاتی تبدیلی دے نظام ایل نینو توں سب توں زیادہ متاثر ہووݨ والے ملکاں دی فہراست وچ شامل ہووݨ دا انکشاف ہویا اے۔
تحقیق وچ دَسیا گیا اے کہ پاکستان ایل نینو توں متاثر ہو رہا اے جِس پاروں 2050 تیکر لاہور تے فیصل آباد دا شمار دنیا دے گرم ترین شہراں وچ ہو سکدا اے جد کہ گرمی نال ایتھے موتاں دی شرح (شرحِ اموات) وی ودھ جائے گی۔
دوجے پاسے محکمہ موسمیات نے وی ہیٹ ویو دے خطرے دی گھنٹی وجا دتی اے، ایس حوالے نال چیف میٹرولوجسٹ لاہور ڈاکٹر ظہیر بابر نے خبردار کیتا اے کہ ایل نینو دے زیرِ اثر درجہ حرارت (ٹمپریچر) ودھ رہا اے، لاہور، فیصل آباد تے ملتان سمیت پنجاب دے شہری علاقوں وچ اچّیاں تے بلند عمارتاں، گاڈیاں (گاڑیوں) دا دھواں، رُکھاں (درختوں) دی تھوڑ (کمی) تے ہاؤسنگ سوسائٹیاں دا قیام ہیٹ ویوز بݨݨ دی وڈی وجہ نیں۔
ایس حوالے نال ماہرِ ماحولیات ڈاکٹر ذوالفقار احمد نے انکشاف کیتا کہ ہک ریسرچ دے مطابق دنیا بھر وچ تاں گرمی دی شدت تے درجہ حرارت وچ 1.5 فیصد اضافہ ہویا پر کراچی وچ ایہ اضافہ 4.5 فیصد تے لاہور وچ 4.1 فیصد ریکارڈ کیتا گیا۔
ایم ڈی پارکس اینڈ ہارٹیکلچر اتھارٹی (PHA) لاہور دا آکھݨ اے کہ رُکھ لاءوݨ دے وکھو وکھ منصوبیاں تے کم جاری اے تے سوسائٹیاں نوں 7 فیصد رُکھ لاءوݨ تے ای این او سی (NOC) جاری کیتا جاندا اے۔
ماہرین نے خبردار کیتا اے کہ جے آؤݨ والیاں نسلاں نوں ہیٹ ویوز توں بچاءوݨا اے تاں حکومت نوں فوراً پکے تے اثر دار (ٹھوس اور مؤثر) قدم چُکݨے پین گے۔
