پنجاب وچ ٹریفک دے بھاری جرمانیاں خلاف لاہور ہائیکورٹ وچ درخواست دائر
پنجاب وچ ٹریفک دے بھاری جرمانیاں تے گاڈیاں دے ٹیکس دے خلاف متفرق درخواست دائر کر دتی گئی اے۔
ایہ درخواست جمیلہ فاطمہ ولوں محمد اظہر صدیق ایڈووکیٹ دے راہیں لاہور ہائی کورٹ وچ دائر کیتی گئی۔
درخواست وچ مؤقف اپنایا گیا اے کہ پنجاب دے شھریاں اتے ٹریفک پولیس ولوں بھاری جرمانے لائے جا رہے نیں جیہڑے آئینی طور تے درست نہیں۔
ہور آکھیا گیا اے کہ بھاری ٹریفک چالان آئین نال ٹکراؤندے نیں (متصادم ہیں) تے ایس نال شھریاں دے حقوق متاثر ہو رہے نیں۔ درخواست وچ عدالت توں بینتی (استدعا) کیتی گئی اے کہ پنجاب حکومت توں ٹریفک جرمانیاں تے گاڈیاں دے ٹیکس دی پچھلے پنج سالاں دی تفصیل منگی جائے۔
ایس توں ہٹ کے ایہ وی درخواست کیتی گئی اے کہ عدالت بھاری ٹریفک چالاناں دے ایس قدم نوں غیر قانونی قرار دیوے۔
