ملک وچ آٹے دی قیمت وچ ہور اضافہ کراچی دے شہری سب توں مہنگا آٹا خریدن تے مجبور

ملک وچ آٹے دی قیمتاں وچ ہور اضافہ ہو گیا اے، کراچی دے شھری سب توں مہنگا آٹا خریدݨ تے مجبور نیں۔

ادارہ شماریات دی دستاویز دے مطابق ملک وچ 20 کلو آٹے دے تھیلے دی زیادہ توں زیادہ قیمت 2800 روپے تک اپڑ (پہنچ) گئی اے۔

کراچی دے شھری ملک وچ سب توں زیادہ مہنگا آٹا خریدݨ تے مجبور نیں، شھر وچ 20 کلو آٹے دے تھیلے دی قیمت 2800 روپے تک اے۔

دستاویز دے مطابق پشاور وچ 20 کلو آٹے دے تھیلے دی قیمت 2750 روپے تک اپڑ گئی، اسلام آباد وچ 20 کلو آٹے دے تھیلے دی قیمت 2733 روپے، راولپنڈی وچ 20 کلو آٹے دے تھیلے دی قیمت 2707 روپے، کوئٹہ تے بنوں وچ 20 کلو آٹے دے تھیلے دی قیمت 2700 روپے تک اے۔

ایس توں ہٹ کے حیدرآباد وچ 20 کلو آٹے دے تھیلے دی قیمت 2600 روپے، خضدار تے لاڑکانہ وچ 2400 روپے، فیصل آباد وچ 2350 روپے، گوجرانوالہ وچ 2333 روپے تے ملتان وچ 20 کلو آٹے دے تھیلے دی قیمت 2267 روپے تک ہو گئی اے۔

لاہور وچ 20 کلو آٹے دا تھیلہ 2250 روپے وچ ویچیا (فروخت کیا) جا رہا اے۔