اسلام آباد وچ منتخب حکومت قائم کرن دی تجویز، تفصیلاں سامنے آ گئیاں
اسلام آباد نوں جدید، خودمختار تے بااختیار شہر بݨاوݨ لئی وڈیاں تیاریاں جاری نیں۔ نویں گورننس سٹرکچر (انتظامی ڈھانچے) دیاں تجاویز سامنے آ گئیاں نیں۔ وفاقی دارالحکومت دی اپنی اسمبلی، منتخب نمائندے تے اپنا چیف ایگزیکٹو ہوسی۔
“سماء” نال خصوصی گفتگو کردیاں ہویاں وفاقی وزیرِ پارلیمانی امور ڈاکٹر طارق فضل چوہدری نے آکھیا کہ اسلام آباد دے چھوٹے توں چھوٹے قانون لئی وی قومی اسمبلی تے سینیٹ توں منظوری لینی پیندی اے۔
گورننس سٹرکچر وچ تبدیلی توں بعد آئی سی ٹی (ICT) تے سی ڈی اے (CDA) دے وکھو وکھ اختیارات مرحلہ وار نویں قیادت نوں منتقل کیتے جاݨ دا امکان اے۔ ممکنہ طور اتے ایہ تبدیلیاں ایگزیکٹو آرڈر یا آئینی ترمیم راہیں (ذریعے) لائیاں جاؤݨ گیاں۔
ڈاکٹر طارق فضل چوہدری نے آکھیا کہ صوبیاں وچ ایہ اختیار صوبائی اَسملیاں کول ہوندے نیں، اسلام آباد دی وی اپنی باقاعدہ اسمبلی قائم کیتی جاوے گی، ایس مجوزہ اسمبلی وچ تقریباً 20 توں 22 سیٹاں (نشستیں) ہووݨ گیاں۔
وفاقی وزیرِ پارلیمانی امور دے مطابق چیف ایگزیکٹو نوں اسمبلی دے ممبر اکثریتی ووٹ نال چُݨݨ گے، آئی سی ٹی تے سی ڈی اے دے اختیارات وی مرحلہ وار شفٹ کیتے جا سکدے نیں۔
اوہناں دا آکھݨ سی کہ ریاستی اثاثے، سرکاری زمین تے اہم حکومتی معاملے (امور) وفاق کول ہی رہوݨ گے، اسلام آباد توں اکٹھا ہووݨ والا ریونیو (ٹیکس) وفاق دے اکاؤنٹ وچ جاندا اے، ایس ریونیو نوں مقامی پدھر اتے انفراسٹرکچر تے پنڈاں (دیہی علاقوں) دی ترقی اتے خرچ کیتا جاݨا چاہیدا اے۔
