کراچی: بی آر ٹی یلو لائن منصوبے وچ 6 ارب روپے توں ودھ دی مبینہ کرپشن دا انکشاف

کراچی: بی آر ٹی یلو لائن منصوبے وچ 6 ارب روپے توں ودھ دی مبینہ کرپشن دا انکشاف ہویا اے۔

چیف سیکرٹری سندھ نے مالی بے قاعدگی اتے انکوائری دے احکامات جاری کر دتے نیں.

ذرائع دے مطابق بی آر ٹی یلو لائن منصوبے وچ 6 ارب روپے توں ودھ دی مبینہ کرپشن سامنے آئی اے۔

ذرائع دا کہنا اے کہ سابق پروجیکٹ ڈائریکٹر ضمیر عباسی، ڈائریکٹر پروکیورمنٹ جمن داس، پروجیکٹ ڈائریکٹر کمال حکیم تے ڈپٹی ڈائریکٹر طٰحہ عزیز نوں طلب کر لیا گیا اے۔

صوبائی وزیر شرجیل میمن دے مطابق افسران نوں یلو لائن منصوبے نال متعلق سارا ریکارڈ وی نال لیاوݨ دی ہدایت کیتی گئی اے۔

شرجیل میمن دے مطابق بی آر ٹی یلو لائن دے سابق پی ڈی ضمیر عباسی نے مروجہ قواعد (قوانین) دے خلاف ایڈوانس پیمنٹ کیتی، سیکرٹری ٹرانسپورٹ نے حکومت ولوں ایکشن لیݨ لئی چیف سیکرٹری نوں خط لکھیا اے۔