پاسدارانِ انقلاب دا امریکی ففتھ فلیٹ ہیڈکوارٹر تے ائیربیس اُتے میزائل تے ڈرون حملے دا دعویٰ، ویڈیو وی جاری کر دتی
ایرانی پاسدارانِ انقلاب نے اعلان کیتا اے کہ اوہدی میزائل فورس نے آبنائے ہرمز دے نیڑے ایرانی مفادات اُتے مبینہ امریکی حملیاں توں بعد جوابی کارروائی کردیاں ہویاں اک دشمن بحری جہاز، بحرین وچ امریکی ففتھ فلیٹ دے ہیڈکوارٹر تے خطے وچ اک امریکی ائیربیس نوں نشانہ بنایا اے۔
ایرانی میڈیا دے مطابق پاسدارانِ انقلاب دے شعبہ تعلقاتِ عامہ ولوں جاری بیان وچ آکھیا گیا اے کہ حالیہ حملیاں دا آغاز پچھلی رات اوس ویلے ہویا جدوں آبنائے ہرمز دے نیڑے اک ایرانی آئل ٹینکر نوں نشانہ بنایا گیا۔
بیان وچ آکھیا گیا کہ پچھلی رات امریکی فوج نے آبنائے ہرمز دے نیڑے ایرانی آئل ٹینکر نوں نشانہ بنایا جیہدے نال جہاز دے انجن روم نوں نقصان پہنچیا۔
بیان دے مطابق ایس واقعے توں بعد ایرانی بحریہ نے ردِعمل دتا تے ’جواب وچ امریکی-صہیونی دشمن دے جہاز ‘پانایا’ نوں میزائلاں نال نشانہ بنایا گیا‘۔
