اک بندے نے میٹل ڈیٹیکٹر نال کروڑاں روپے دی تریخی چھاپ لبھ لئی۔
برطانیہ وچ اک بندے نے میٹل ڈیٹیکٹر دی مدد نال لکھاں روپے دی تریخی منڈری لبھ لئی۔
16ویں صدی دی سونے دی اس منڈری نوں اسٹیورٹ جونز نامی اک بندے نے گلوسٹرشائر دے پنڈ وارمنگٹن وچ لبھیا سی۔
42 سالاں دے اسٹیورٹ جونز نے اس منڈری نوں نومبر 2024 وچ میٹل ڈیٹیکٹر نال خزانہ لبھن دی مہم دے دوران لبھیا سی۔
8 ہیریاں نال سجی اس منڈری نوں 23 جون نوں نیلام کیتا جاوے گا تے امید اے کہ اے 55 توں 75 لکھ روپے دے وچکار وک جاوے گی۔
اسٹیورٹ جونز سالاں توں میٹل ڈیٹیکٹر دی مدد نال قیمتی تریخی چیزاں لبھ رہے نیں پر اوہ اس توں پہلاں کدی وارمنگٹن نہیں آئے سن۔
اوہناں نے اس منڈری نوں وی 7 گھنٹیاں دی تلاشی توں بعد اس ویلے لبھیا جدوں اوہ اس مہم نوں مکا کے واپس جان والے سن۔
اسٹیورٹ جونز نے دسیا کہ ‘جدوں میں اینوں لبھیا تاں مینوں انج لگیا جیویں میں بدلاں وچ اڈ رہا واں تے میرے آلے دوالے ہر بندے نے مینوں ودھائی دتی’۔
جدوں اوہناں نے منڈری نوں مٹی وچوں کڈھیا تاں اک ہیرا ڈھلا ہو کے تھلے ڈگ پیا جدکہ دوجا گواچ گیا۔
اوہناں نے منڈری دے آلے دوالے دی مٹی نوں کٹھا کیتا تے گھر جا کے چھانیا تے گواچے ہوئے ہیرے نوں لبھ لیا۔
اس منڈری دا معائنہ برٹش میوزیم وچ ماہرین نے کیتا تے دسیا کہ اے بہت ای نایاب ڈیزائن والی منڈری اے۔
