جھنگ: کڑی نوں بے ہوشی دی حالت وچ نجی ہسپتال چھڈ کے بھجن والے تینوں ملزم گرفتار
جھنگ: 18 سالاں دی کڑی نوں بے ہوشی دی حالت وچ نجی ہسپتال وچ چھڈ کے بھجن والے تینوں ملزماں نوں گرفتار کر لیا گیا اے۔
پولیس دے مطابق تینوں ملزماں نوں سی سی ٹی وی فوٹیج تے دوجے ثبوتاں دی مدد نال گرفتار کیتا گیا اے، ملزماں دے ورتن والی گڈی وی قبضے وچ لے لئی گئی اے۔
جھنگ: 4 دہاڑے (دن) پہلاں ہسپتال لیاندی جان والی کڑی دم توڑ گئی۔
پولیس دا دسنا اے کہ واقعے دے اصل کارناں تے سچائی نوں جانن لئی ہور پچھ گچھ (تفتیش) کیتی جا رہی اے۔
ڈی پی او جھنگ ساجد حسین دا کہنا اے کہ کیس دے ہر پاسے نوں ڈونگھائی (باریک بینی) نال دیکھیا جا رہا اے، سارے ثبوتاں، فارنزک رپورٹاں تے پوسٹ مارٹم دے نتائج نوں دھیان وچ رکھیا جاوے گا۔
واضح رہے کہ 18 سالاں دی کڑی ڈی ایچ کیو ہسپتال وچ علاج دے دوران دم توڑ گئی سی، متاثرہ کڑی دے پیو ولوں پرچہ (مقدمہ) درج کروایا گیا سی۔
