اپر سوات: سکول دیاں طالبات دی بس کھائی وچ جا ڈگی، اک طالبہ جاں بحق، 20 توں ودھ زخمی
اپر سوات وچ سکول دیاں طالبات دی بس کھائی وچ جا ڈگی جس پاروں اک طالبہ جاں بحق ہو گئی۔
ریسکیو ذرائع دے مطابق اپر سوات دے علاقے دارمئی وچ سکول بس نوں حادثہ بریک فیل ہون پاروں پیش آیا جس نال بس بے قابو ہو کے الٹ گئی تے کھائی وچ جا ڈگی۔
ریسکیو ذرائع دا کہنا اے کہ حادثے وچ اک طالبہ جاں بحق تے 20 توں ودھ طالبات زخمی ہو گئیاں۔
ریسکیو ذرائع دے مطابق حادثے دا شکار ہون والی بس وچ 40 توں ودھ طالبات سوار سن، حادثے دی خبر ملدے ای ریسکیو اہلکاراں نے زخمیاں نوں مٹہ دے ہسپتال منتقل کر دتا۔
