گیس غبارے (بیلون) وچ اڑان، بحرِ اوقیانوس پار کر کے ٹیم امریکا توں یورپ اپڑ (پہنچ) گئی
“اٹلانٹک ایکسپلورر” دی ہن تک دی سب توں وڈی تے تریخی (تاریخ ساز) کامیابی ریکارڈ ہوئی اے، جتھے 3 بندیاں دی ٹیم ہائیڈروجن گیس دے غبارے وچ اڑان بھر کے، بحرِ اوقیانوس پار کر کے 3 دناں تک لگاتار اڈدیاں ہوئیاں یورپ اپڑ (پہنچ) گئی۔
کھلی ٹوکری والے غبارے نے امریکا توں یورپ تک دا سفر کامیابی نال پورا کیتا، اس تریخی کامیابی دے پائلٹ برٹ پیڈلٹ نیں جدکہ پیٹر کیونیو تے ایلیسیا ہیمپلمین ایڈمز معاون ہم سفر نیں۔
3 رکنی ٹیم نے امریکی ریاست میئن کے شہر پریسک آئل توں گیس ہائیڈروجن بھرے غبارے وچ 4 جون نوں اڑان بھری سی، گیس غبارے نے سمندر اتے اوسطاً 24 ہزار فٹ دی بلندی توں 80 کلومیٹر فی گھنٹہ دی رفتار نال سفر کیتا، ایہ ٹیم اس توں پہلاں 2024 تے 2025 وچ وی ایہ کوشش کر چکی اے۔
موسم دی خرابی یا گیس لیک ہون دی وجہ توں دو واری سفر روکنا پیا سی، گیس غباریاں وچ بحرِ اوقیانوس نوں پار کرن دی کامیاب مہمات دا پہلے کوئی ریکارڈ نہیں اے۔
کھلی ٹوکری وچ ہائیڈروجن گیس دے کھلے کھٹولے (جھولے) راہیں سمندر نوں پار کرنا وڈی کامیابی تے نواں ریکارڈ اے، امریکی ٹیم دے مشن دا اصل مقصد صرف اڈنا ہی نہیں سی بلکہ ٹیم دا وڈا ہدف 8 ہزار فٹ دی بلندی توں ہوا دے نمونے (سیمپلز) اکٹھے کرنا وی سی۔
ٹیم نے نویں مائیکرو بایوز تے قدرتی پروٹینز لبھن (دریافت کرنے) وچ وی کامیابی حاصل کیتی اے تے آکھیا جا رہا اے کہ ٹیم دے ایہناں تجربات نال دوائیاں، بائیو فیولز تے کھیتی باڑی (زراعت) وچ مدد ملے گی۔
