لکائی گئی (کالعدم) عوامی ایکشن کمیٹی دے ہور ممبراں (ارکان) نے تحریک توں لا تعلقی دا اعلان کر دتا اے۔

کالعدم عوامی ایکشن کمیٹی دے 4 ممبراں (ارکان) نے کالعدم تحریک توں لا تعلقی دا اعلان کر دتا اے۔

سابق ممبر کالعدم عوامی ایکشن کمیٹی احسان شبیر شانی دا کہنا اے کہ پرتشدد واقعیاں توں بعد کالعدم تنظیم توں وکھ (علیحدہ) ہون دا اعلان کردا واں، کالعدم عوامی ایکشن کمیٹی دی قیادت دے فیسلیاں نال کوئی اتفاق نہیں۔

سابق ممبر کالعدم عوامی ایکشن کمیٹی محسن خلیل دا کہنا اے کہ کالعدم عوامی ایکشن کمیٹی دا ہن ہور حصہ نہیں واں، کھڑی، منگلا تے میرپور دے لوک کالعدم عوامی ایکشن کمیٹی دا حصہ نہ بنن۔

سابق ممبر کالعدم عوامی ایکشن کمیٹی شبیر نگیالوی دا کہنا اے کہ ساڈا مقصد لوکاں دی خدمت کرنا سی، عوامی ایکشن کمیٹی دے کجھ بندے معاملے نوں کسے ہور پاسے (طرف) لے گئے۔

اک ہور سابق ممبر راجہ سلطان دا کہنا اے کہ میرا کالعدم جوائنٹ عوامی ایکشن کمیٹی نال کسے وی قسم دا کوئی تعلق نہیں، اسیں پہلے وی انتظامیہ نال تعاون کردے رہے آں تے اگے وی کراں گے۔