سکیورٹی فورسز دا بلوچستان وچ انٹیلی جنس بیسڈ آپریشن، 14 دہشتگرد ہلاک
سکیورٹی فورسز نے بلوچستان دے ضلع بیسمہ وچ انٹیلی جنس بیسڈ آپریشن کیتا، آپریشن وچ بھارتی حمایت یافتہ “فتنہ الہندوستان” دے 14 دہشت گرداں نوں ہلاک کر دتا گیا اے۔
پاک فوج دے شعبہ تعلقات عامہ (آئی ایس پی آر) دے مطابق آپریشن بیسمہ دے علاقے نال ایریا وچ دہشت گرداں دی موجودگی دی اطلاع تے کیتا گیا۔
شمالی وزیرستان وچ سکیورٹی فورسز دی کارروائیاں وچ فتنہ الخوارج دے 27 دہشتگرد ہلاک
آئی ایس پی آر دے مطابق بھارتی پراکسی “فتنہ الہندوستان” دے دہشت گرداں دا پولیس اسٹیشن تے بینکاں تے حملے دا منصوبہ سی۔
آئی ایس پی آر دے مطابق دہشت گرداں دے نپاک ارادیاں (مذموم عزائم) نوں ناکام بناون لئی فوری تے تیز آپریشن کیتا گیا، آپریشن دے دوران دہشت گرداں دی نقل و حرکت نوں تگڑے (مؤثر) طریقے نال روکیا گیا۔
آئی ایس پی آر دے مطابق دہشت گرداں دے استعمال وچ موجود 4 گاڑیاں تے آئی ای ڈیز (بارودی مواد) وی تباہ کر دتیاں گئیں، آپریشن وچ وطن دے بہادر پتر لانس حوالدار محمد عباس نے جامِ شہادت نوش کیتا۔
آئی ایس پی آر دے مطابق علاقے وچ موجود کسے دوجے دہشت گرد دے خاتمے لئی کلیئرنس آپریشن جاری اے، دہشت گردی دے پورے خاتمے تک انسدادِ دہشت گردی مہم پوری طاقت (قوت) نال جاری رکھی جاوے گی۔
