مری: مری وچ سیاحواں دی گڈی نوں حادثہ، 10 بندے جاں بحق (ہلاک)
مری وچ سیاحواں دی گڈی حادثے دا شکار ہو گئی جس دے نتیجے وچ 10 سیاح جاں بحق ہو گئے۔
ڈپٹی کمشنر مری آغا ظہیر عباس شیرازی دے مطابق مری ایکسپریس وے تے کھجٹ دے مقام تے سیاحواں دی وین حادثے دا شکار ہو گئی جس وچ ہن تک 10 بندیاں دے جاں بحق ہون دی تصدیق ہوئی اے، جدکہ کئی بندے زخمی نیں جنہاں نوں فوراً طبی امداد لئی نیڑے دے ہسپتال منتقل کر دتا گیا اے۔
ایہ بھی پڑھو:
- گلگت بلتستان دے سیاحتی مقام فیری میڈوز جان والی سیاحواں دی گڈی حادثے دا شکار، 7 بندے جاں بحق
- وادی نیلم وچ سیاحواں دی گڈی دریائے نیلم وچ جا ڈگی، 6 بندے جاں بحق، 5 دی لبھاش جاری
ڈپٹی کمشنر نے ہور دسیا کہ مسافر وین وچ سوار 23 بندیاں دا تعلق ملتان توں سی، مسافر رات 2 بجے ملتان توں مری دے سفر تے نکلے سن، گڈی اوور اسپیڈ (تیز رفتاری) پاروں سائیڈ دی کندھ نال جا ٹکرائی جس توں گڈی دے انجن وچ اگ لگ گئی تے سلائیڈنگ بوہا (دروازہ) وی لاک ہو گیا۔
موٹروے پولیس دا کہنا اے کہ مری ایکسپریس وے وین حادثے وچ 13 بندے زخمی بھی ہوئے نیں جنہاں نوں فوراً طبی امداد لئی ہسپتال منتقل کر دتا گیا اے۔
پولیس دے مطابق حادثے دا شکار ہون والی وین وچ 10 بچے وی سوار سن۔
