لاہور دے لیڈی ایچیسن ہسپتال دی ایم ایس نے پرائیویٹ بلاک مریضاں دی بجائے اپنی سس لئی مخصوص کر دتا

لاہور دے گائنی ہسپتال لیڈی ایچیسن وچ میڈیکل سپرنٹنڈنٹ (ایم ایس) نے پرائیویٹ بلاک نوں اپنی سس لئی مخصوص (مختص) کر دتا۔

ایم ایس ہسپتال وچ بلاک نوں مریضاں دی بجائے ڈاکٹر دی سس دے علاج لئی مخصوص کیتا گیا اے، خاتون دی ہسپتال دے پرائیویٹ بلاک وچ رہائش دی ویڈیو منظرِ عام تے آ گئی۔

ہسپتال انتظامیہ نے دسیا کہ ایم ایس ڈاکٹر صوبیہ دی سس 4 مہینیاں توں پرائیویٹ بلاک وچ نیں، ہسپتال دا عملہ تے نرسان خاتون دی دیکھ بھال تے لائے گئے نیں۔

ڈاکٹر صوبیہ نے جیو نیوز نال گل بات کردیاں کہیا کہ اوہ اپنی سس بارے کوئی گل نہیں کرن گیاں، محکمہ صحت پنجاب نوں اپنا موقف گھل (بھیج) دتا اے۔

دوجے پاسے ترجمان محکمہ صحت پنجاب نے دسیا کہ لیڈی ایچیسن ہسپتال دی ایم ایس نے اک درخواست دتی سی جس وچ ایم ایس نے اپنی سس دیاں مختلف بیماریاں دا حوالہ دتا، ترجمان دے مطابق سیکرٹری محکمہ صحت ایم ایس دی درخواست نوں دیکھ رہے نیں۔