بل گیٹس جیفری ایپسٹین دے معاملے اُتے امریکی ایوان دی کمیٹی وچ پیش
بدنام زمانہ جیفری ایپسٹین دے متعلق امریکی ایوان دی کمیٹی ولوں مائیکروسافٹ دے شریک بانی بل گیٹس توں سوالات کیتے گئے۔
بل گیٹس نے آکھیا امید اے میری گواہی نال متاثرین نوں انصاف ملن دی راہ پدھری (ہموار) ہوئے گی۔
رپورٹ دے مطابق جیفری ایپسٹین اُتے فردِ جرم عائد کیتے جان توں بعد وی بل گیٹس نے اوہدے نال ملاقاتاں کیتیاں سن۔
ایہہ وی پڑھو:
- امریکی عوام دی اکثریت نے ٹرمپ دی ایران جنگ نوں ایپسٹین اسکینڈل توں توجہ ہٹان دا اک بہانہ قرار دے دِتا
- واشنگٹن وچ بدنام زمانہ جنسی مجرم جیفری ایپسٹین تے ٹرمپ دا مجسمہ لا دِتا گیا
- بل گیٹس نے ایپسٹین فائلز وچ ناں آؤن اُتے فاؤنڈیشن دے اسٹاف توں معافی منگ لئی
واضح رہے کہ امریکی محکمہ انصاف ولوں جنسی مجرم جیفری ایپسٹین دے متعلق 30 لاکھ صفحے، ایک لاکھ 80 ہزار تصویراں تے 2 ہزار ویڈیوواں منظرِ عام اُتے لائیاں گئیاں سن۔
بل گیٹس نے ایپسٹین فائلز وچ ناں آؤن اُتے بل گیٹس فاؤنڈیشن دے اسٹاف توں معافی منگی سی۔
اوہناں نے آکھیا کہ اوہناں توں غلطیاں ہوئیاں نیں جِہناں توں اوہناں دی انسانی بھلائی لئی کم کرن والی فاؤنڈیشن نوں نقصان پہنچیا۔
بل گیٹس نے اصرار کیتا سی کہ اوہناں دا ایپسٹین دے جرائم وچ کوئی حصہ نہیں، ایپسٹین نال تعلق رکھن دا مقصد مخیّر (امیر) بندیاں نال تعلقات بنانا سی، اوہناں نے کوئی غیر قانونی کم نہیں کیتا تے نہ کوئی غیر قانونی کم ہوندے دیکھیا۔
