شہباز شریف ولوں ہتکِ عزت دا کیس: سپریم کورٹ نے عمران خان دا حقِ دفاع بحال کر دِتا

اسلام آباد: سپریم کورٹ نے شہباز شریف ولوں ہتکِ عزت کیس وچ عمران خان دا حقِ دفاع بحال کر دِتا۔

سپریم کورٹ دی جسٹس عائشہ ملک نے مختصر فیصلہ سنایا تے عدالت وچ بانی پی ٹی آئی دا حقِ دفاع بحال کرن دا فیصلہ دو ججز دی اکثریت نال دِتا گیا۔

حقِ دفاع ختم رکھن دے حق وچ اک جج دا اختلافی نوٹ وی فیصلے وچ شامل اے۔

ایس کیس وچ ٹرائل کورٹ نے بانی پی ٹی آئی دا حقِ دفاع ختم کر دِتا سی تے پھر لاہور ہائیکورٹ نے وی حقِ دفاع ختم کرن دا فیصلہ بحال رکھیا سی، جیہدے توں بعد عمران خان نے حقِ دفاع ختم کرن دے خلاف سپریم کورٹ نال رجوع کیتا سی۔