ڈیرہ غازی خان: گرفتاری توں بچن لئی ڈکیتی دا ملزم رُکھ (درخت) اُتے چڑھ گیا
ڈیرہ غازی خان دے علاقے کوٹ چھٹہ وچ گرفتاری توں بچن لئی ملزم رُکھ (درخت) اُتے چڑھ گیا۔
پولیس دے مطابق 80 فٹ اچّے کھجور دے رُکھ (درخت) اُتے چڑھے ملزم نے تھلے اترن توں نانہہ کر دِتی، جِہدے توں بعد ملزم نوں تھلے لاہن لئی ریسکیو ٹیم نوں سَدیا گیا۔
پولیس دا کہنا اے کہ ملزم نے ریسکیو ٹیم نال وی مزاحمت کیتی تے اوہنوں تھلے نہ لاہیا جا سکیا، جِہدے توں بعد مجبوری وچ رُکھ نوں کٹنا پیا۔
پولیس دے مطابق رُکھ کٹن نال ملزم ٹہنی سمیت تھلے ڈگ پیا جِہنوں گرفتار کر لیا گیا۔
پولیس دا کہنا اے کہ ملزم اُتے ڈکیتی دے کئی مقدمے درج نیں۔
