سندھ چ ہیٹ ویو دی موجودہ صورتحال کل توں ختم ہون دا امکان
کراچی: محکمہ موسمیات نے سندھ چ ہیٹ ویو دی موجودہ صورتحال کل توں ختم ہون دی پیشگوئی کر دتی۔
محکمہ موسمیات دے مطابق اج تے کل کشمور، جیکب آباد، شکارپور چ گرد آلود ہوائیں چلن، آندھی تے ہلکی بارش دا امکان اے جدکہ سکھر، لاڑکانہ، دادو، حیدرآباد، میرپورخاص، نوشہرو فیروز، عمرکوٹ تے تھرپارکر چ وی آندھی تے گرج چمک دے نال ہلکی بارش متوقع اے۔
ایس توں علاوہ 14 جون نوں دادو، قمبر شہدادکوٹ، لاڑکانہ، نوشہرو فیروز، شہید بینظیر آباد، خیرپور چ وی گرج چمک دے نال ہلکی بارش دا امکان اے۔
دوجے پاسے کراچی چ اج موسم گرم تے مرطوب رہن دے نال تیز ہوائیں چل سکدیاں نیں، شہر دا زیادہ توں زیادہ درجہ حرارت 36 توں 38 ڈگری سینٹی گریڈ تیکر رہ سکدا اے۔
محکمہ موسمیات دے مطابق کراچی چ ہفتے نوں موسم جزوی طور تے ابرا آلود، گرم تے مرطوب رہن تے تیز ہوائیں چلن دا امکان اے، زیادہ توں زیادہ درجہ حرارت 35 توں 37 ڈگری سینٹی گریڈ تیکر ریکارڈ کیتا جا سکدا اے۔
