سعودی عرب چ سینکڑے نویں آثارِ قدیمہ دریافت، حضرت عمر فاروقؓ دے ناں والا کتبہ وی شامل۔
سعودی ہیریٹیج کمیشن نے مدینہ ریجن دے المہد گورنریٹ چ آثارِ قدیمہ دے سروے دے دوجے مرحلے دے اختتام تے مجموعی طور تے 1774 اہم دریافتوں دا اعلان کیتا اے۔
کمیشن دے مطابق ایہہ سروے تن علاقیاں، السویریقیہ، المویہیہ تے حضہ چ کیتا گیا جپھے آثارِ قدیمہ دے 156 نویں مقامات دی نشاندہی کیتی گئی۔
سعودی پریس ایجنسی دے مطابق سروے دے دوران 461 اسلامی کتبے، 34 ثمودی کتبے، چٹاناں تے بنے 1259 نقوش، پتھر توں بنے 11 ڈھانچے، 3 تاریخی محلات، قافلیاں دے 2 راستے تے 4 کنویں دریافت کیتے گئے۔
نمایاں دریافتوں چ خلیفہ دوم حضرت عمر فاروقؓ دے ناں والا کتبہ شامل اے، جبکہ عربی شاعری تے مبنی نقوش وی ملے ہن جس توں ایس مقام دی تاریخی تے ثقافتی اہمیت ہور ودھ گئی اے۔
سعودی ہیریٹیج کمیشن نے ایس عزم دا اعادہ کیتا اے کہ سعودی وژن 2030 دے تحت ملک بھر چ آثارِ قدیمہ دے تحفظ دے منصوبے جاری رکھے جاݨ گے تاں جے مملکت دے ثقافتی ورثے نوں محفوظ بنایا جا سکے۔
