تفتان بارڈر 7دناں لئی کھول دتا گیا

تفتان: وفاقی حکومت نے تفتان بارڈر نوں 7دناں لئی کھول دتا اے۔ وفاقی حکومت نے بلوچستان دے علاقے تفتان وچ ایران نال ملحقہ سرحد نوں تجارت لئی کھول دتا اے پر بارڈر کھلن تے ایس او پیز تے عملدرآمد لازمی قرار دتا گیا اے۔ وزارت داخلہ ولوں جاری نوٹیفکیشن دے مطابق تفتان بارڈر 27مارچ توں بند سی، سرحد نوں کورونا وائرس دی وجہ توں بند کیتا گیا سی جد کہ ایس توں پہلاں طورخم تے چمن بارڈر نوں وی ایس او پیز نوں ملحوظ خاطر رکھدیاں ہوئیاں تجارت لئی کھولیا گیا سی۔