کراچی: شمسی سوسائٹی انتظامی نااہلی تے بلدیاتی غفلت دا شکار، سڑکاں تے مہینے توں گندے پانی دا راج
کراچی دا علاقہ شمسی سوسائٹی لمے عرصے توں انتظامی نااہلی تے بلدیاتی غفلت دا شکار اے۔
شمسی تے آلے دوالے دے علاقے وچ انفرااسٹرکچر تے سیوریج دا نظام تباہ ہون پاروں ہر پاسے گندا پانی کھڑا اے، سیوریج تے پائپ لائناں دے پھٹن دی وجہ توں بو (تعفن) تے گندگی نے وبائی بیماریاں دا خطرہ ودھا دتا اے۔
دوجے پاسے شمسی سوسائٹی دے نال ہی رفاعام سوسائٹی دے مرکزی روڈ تے سیوریج دیاں ورھیاں پرانیاں لائناں خستہ حالی پاروں زمین دے اندروں ٹٹ چکیاں نیں، جس دی وجہ توں علاقے دا مرکزی روڈ تھاں تھاں توں ٹٹ بھج دا شکار اے تے گھٹے مٹی نال سا ہ (سانس) دیاں بیماریاں وچ بھی وادھا ہو رہیا اے۔
فوٹو: سوشل میڈیا
حال ہی وچ کے ایم سی ولوں رفاعام سوسائٹی دے مرکزی روڈ تے پیور بلاک لانے دا کم پورا ہویا سی پر زمین دے اندر سیوریج لائن ٹٹن پاروں روڈ بدحالی دا شکار ہو چکا اے۔
زمین دے اندر سیوریج لائن دی ٹٹ بھج پاروں پانی دیاں لائناں نوں وی نقصان پہنچیا اے، جس دی وجہ توں پانی دی لائن وچ سیوریج دا پانی رل (شامل ہو) رہا اے۔
علاقے دے رہائشیوں ولوں انتظامیہ توں فوری نوٹس لین دی اپیل کیتی گئی اے۔
