بھارت نے بنگلا دیشی وزیراعظم دے صلاح کار نوں دیس وچ داخل ہون توں روک دتا، ائیرپورٹ تے پچھ گچھ بھی کیتی گئی
بھارت نے بنگلا دیشی وزیراعظم دے صلاح کار زاہد الرحمان نوں دیس وچ داخل ہون توں روک دتا تے دہلی ائیرپورٹ تے اوہناں توں ڈھائی گھنٹے تیکر پچھ گچھ وی کیتی گئی۔
بنگلادیشی میڈیا دے مطابق واقعے دیاں پوریاں تفصیلاں کٹھیاں کیتیاں جا رہیاں نیں، سفارتی پدھر (سطح) تے پہلاں توں اطلاع ہون دے باجود بھارتی امیگریشن نے زاہد الرحمان نوں داخلے دی اجازت نہیں دتی، پہلاں توں منظوری ہون دے باجود پیش آؤن والا واقعہ چنتاناک (تشویشناک) اے۔
بھارت دے اعلیٰ حکام دی مداخلت توں بعد زاہد الرحمان نوں دیس وچ داخل ہون دی اجازت دتی گئی۔
بنگلادیشی میڈیا دے مطابق زاہد الرحمان نے بھارت وچ داخل ہون دی بجائے واپس بنگلادیش جان دا فیصلہ کیتا تے کولمبو دے راہوں ڈھاکا واپس روانہ ہو گئے۔
بنگلادیشی میڈیا دے مطابق زاہد الرحمان بحرِ ہند رِم ایسوسی ایشن دے اجلاس وچ ہتھ ونڈاؤں (شرکت کرن) لئی بھارت گئے سن۔
