بھارتی فورسز دی لائن آف کنٹرول تے بلااشتعال فائرنگ نال 4شہری شہید

بھارتی فورسز نے اک وار فیر لائن آف کنٹرول تے بلااشتعال فائرنگ کردیاں خاتون سنے 4شہریاں نوں شہید تے اک نوں زخمی کر دتا۔ پاک فوج دے شعبہ تعلقات عامہ (آئی ایس پی آر) دے مطابق بھارتی فوج نے اک وار فیر لائن آف کنٹرول تے سیز فائر معاہدے دی خلاف ورزی کردیاں نکیال تے باگسر سیکٹر وچ بلااشتعال فائرنگ کیتی جہدے نتیجے وچ خاتون سنے 4شہری شہید تے اک زخمی ہو گیا۔ترجمان پاک فوج دے مطابق فوج نے جان بوجھ کے شہری آبادی نوں نشانہ بنایا پر پاک فوج ولوں بھارت دی بلااشتعال فائرنگ دا موثر جواب دتا گیا۔ واضح رہوے لائن آف کنٹرول تے ورکنگ باؤنڈری تے بھارتی سکیورٹی فورسز دی مسلسل اشتعال انگیزی دی وجہ توں ہن تک کئی عام شہری شہید تے زخمی ہو چکے نیں۔