ن لیگ نے پی ڈی ایم وچ ساڈی پِٹھ وچ چھرا گھوپیا، ن لیگ دی حکومت مفلوج اے: ایمل ولی

عوامی نیشنل پارٹی (اے این پی) دے صدر سینیٹر ایمل ولی خان نے آکھیا اے کہ ن لیگ نے پی ڈی ایم وچ ساڈی پِٹھ وچ چھرا گھوپیا، ن لیگ دی حکومت مفلوج اے۔

سینیٹ اجلاس نال خطاب وچ ایمل ولی دا آکھنا سی کہ ایہہ بجٹ پاکستان نے بنایا اے یا آئی ایم ایف نے؟ مسلم لیگ والیاں نوں وی بجٹ والے دِہاڑ (دن) پتا چلیا ہووے گا کہ بجٹ کیہ اے۔

اوہناں نے آکھیا کہ آئی ایم ایف توں تیار کیتا ہویا بجٹ آیا اے، ایس وچ تسیں ذرا وی تبدیلی نہیں کر سکدے، محسن نقوی یا محمد اورنگزیب نوں تے اسیں کدے ن لیگ وچ نہیں دیکھیا۔

ایمل ولی نے الزام لایا کہ مسلم لیگ ن نے پی ڈی ایم وچ ساڈی پِٹھ وچ چھرا گھوپیا، مسلم لیگ ن دی حکومت مفلوج اے، جو کچھ ہو رہا اے اوہ نواز شریف دی سوچ تے نظریہ نہیں۔