چین دا نواں تعمیراتی منصوبہ جیہڑا حیران کر دین والا اے
چین اکثر اپنیاں تعمیرات نال دنیا نوں حیران کر دیندا اے پر اوہدا نواں منصوبہ واقعی حیران کر دین والا اے۔
درحقیقت ایہہ تعمیراتی منصوبہ کسے چولستان (صحرا) یا شہر وچ مکمل نہیں کیتا جا رہا بلکہ ایہنوں پانی دے اتے تیار کیتا جا رہا اے۔
ڈالیان جنزہووان انٹرنیشنل ائیرپورٹ نوں جنژوو بے تے تعمیر کیتا جا رہا اے تے ایہہ چین دا پہلا ہوائی اڈا اے جیہنوں سمندری پانیاں دے اتے اک مصنوعی جزیرے تے تعمیر کیتا جائے گا۔
7.7 اسکوائر میل رقبے تے پھیلیا ایہہ ائیرپورٹ آئی لینڈ اینا وڈا اے کہ کسے مسافر دے جہاز (طیارے) تے سوار ہون توں پہلاں ہی دنیا دی توجہ دا مرکز بن چکیا اے۔
اصل کہانی ایہدا حجم (سائز) نہیں بلکہ گنجان شہر دے تجارتی راستیاں نوں مضبوط بنانا اے تے ایہہ ثابت کرنا اے کہ اک مکمل ائیرپورٹ سمندر دے اتے تیار کیتے گئے جزیرے تے کم کر سکدا اے۔
(ایس ائیرپورٹ دی تعمیر 2035 وچ مکمل ہون دا امکان اے / فوٹو بشکریہ ڈالیان جنزہووان انٹرنیشنل ائیرپورٹ)
ڈالیان وچ پہلاں توں اک ائیرپورٹ موجود اے جیہڑا شہر دے مرکز دے بہت زیادہ نیڑے اے تے ایہدے نتیجے وچ مسافروں نوں ٹریفک، رولے (شور)، تنگ فضائی حدود تے وادھے (توسیع) دی جگہ نہ ہون ورگے مسئلیاں دا سامنا کرنا پیندا اے۔
ایہی وجہ اے کہ جنزہووان ائیرپورٹ تے کم کیتا جا رہا اے تے مرکزی ہوائی اڈے نوں سمندر وچ منتقل کیتا جا رہا اے تاکہ منصوبہ سازاں نوں رن ویز، کارگو، روڈ لنک تے مستقبل وچ وادھے وغیرہ دے مسئلیاں دا سامنا نہ ہووے۔
اجے ایس ائیرپورٹ تے 2 رن ویز تے اک ٹی ون ٹرمینل دی تعمیر تے کم کیتا جا رہا اے جتھے ہر سال 4 کروڑ 30 لاکھ مسافر آ سکن گے جدکہ 3 لاکھ 30 ہزار جہاز لینڈ یا پرواز کر سکن گے۔
پر لمے ویلے (طویل المعیاد) دی بنیاداں تے ایس ائیرپورٹ وچ 4 رن ویز موجود ہون گے جدکہ ایہدا اک ٹرمینل 97 لاکھ اسکوائر فٹ رقبے تے پھیلیا ہووے گا جتھے 8 کروڑ مسافر ہر سال آ سکن گے۔
(ایس منصوبے تے ساڑھے 7 ارب ڈالرز خرچ ہون دا امکان اے / فوٹو بشکریہ ڈالیان جنزہووان انٹرنیشنل ائیرپورٹ)
ساڑھے 7 ارب ڈالرز لاگت دے ایس ائیرپورٹ منصوبے دے پہلے مرحلے دی تعمیر دا 37 فیصد حصہ مکمل ہو چکیا اے۔
ساڑھے 3 ہزار بلڈرز سمندر دی سطح تے ایس ائیرپورٹ دی تعمیر وچ رُجھے ہوئے نیں۔
ایس ائیرپورٹ دے تھم (ستون) 82 فٹ پانی دے تھلے (زیرآب) لائے جان گے جدکہ مصنوعی جزیرے دی تعمیر لئی 5 کروڑ 60 لاکھ کیوبک گز میٹریل دی لوڑ اے۔
ایس ائیرپورٹ تے ہوائی ٹریفک دا آغاز 2035 وچ ہون دا امکان اے جدکہ مصنوعی جزیرے تے 850 رُکھ (درخت) لائے جان گے۔
ایسے طرح ائیرپورٹ نوں ہرا بھرا (سرسبز) وی بنایا جائے گا۔
