گلگت بلتستان وِچ دوجیاں نال رل کے حکومت بنا سگدے سی، پی پی نوں اکثریت رکھن اُتے حکومت بناؤن دی دعوت دِتی: امیر مقام
وفاقی وزیر برائے امور کشمیر تے گلگت بلتستان امیر مقام دا کہنا اے کہ گلگت بلتستان وِچ دوجیاں نال رل کے حکومت بنا سگدے سی، پیپلز پارٹی نوں اکثریت رکھن اُتے حکومت بناؤن دی دعوت دِتی۔
قومی اسمبلی اجلاس وِچ اپنے خیالاں دا اظہار کردیاں ہویاں امیر مقام دا کہنا سی کہ پہلی واری گلگت بلتستان وِچ شفاف تے غیر جانبدار چونا (انتخابات) ہوئے، گلگت بلتستان وِچ دوجیاں نال رل کے حکومت بنا سگدے سی پر پیپلز پارٹی نوں اکثریت رکھن اُتے حکومت بناؤن دی دعوت دِتی۔
دوجے پاسے چیئرمین پیپلز پارٹی بلاول بھٹو زرداری نے پارلیمنٹ ہاؤس وِچ میڈیا نال گل بات کردیاں آکھیا کہ میں پُر امید آں کہ گلگت بلتستان وِچ حکومت بنا لواں گے۔
بلاول بھٹو زرداری دا کہنا سی کہ بجٹ دے متعلق تحفظات اُتے حکومت نال گل بات جاری اے، اسحاق ڈار نال ملاقات ہوئی اے تے ہور گل بات وی ہوئے گی۔
