سندھ کابینہ نے بجٹ دی منظوری دے دتی، تنخواہواں وچ 7 فیصد اضافے دی تجویز
کراچی: سندھ کابینہ نے مالی سال 27-2026 دے صوبائی بجٹ دی منظوری دے دتی۔
سندھ وچ آؤندے مالی سال دے 2.7 ٹریلین روپے توں ودھ بجٹ تخمینے دا امکان اے جد کہ سندھ حکومت دی تنخواہواں وچ 7 فیصد تے پنشن وچ 5 فیصد اضافے دی تجویز اے۔
ذرائع دے مطابق اجلاس وچ آکھیا گیا کہ کوشش سی تنخواہواں وچ گھٹ توں گھٹ 10 فیصد اضافہ کریئے پر مشکلاں دا شکار ہون پاروں سندھ حکومت ملازمین دی تنخواہواں وچ بہت زیادہ اضافہ نہیں کر سکدی۔
وزیر اعلیٰ سندھ مراد علی شاہ نے آکھیا کہ نویں سال دے بجٹ وچ ہر طبقے دا خیال رکھیا گیا اے، سندھ حکومت بلاول بھٹو دی ہدایت تے غربت مکاؤن لئی خصوصی اقدامات کر رہی اے۔
