بجٹ بارے تحفظات تے حکومت نال گل بات جاری اے: بلاول بھٹو
اسلام آباد: چیئرمین پیپلز پارٹی بلاول بھٹو زرداری نے آکھیا اے کہ بجٹ بارے تحفظات تے حکومت نال گل بات جاری اے۔
نائب وزیراعظم اسحاق ڈار دی اگوائی وچ دو رکنی حکومتی وفد نے بلاول بھٹو زرداری نال اوہناں دے چیمبر وچ ملاقات کیتی جِتھے نائب وزیراعظم نے بلاول بھٹو نوں بجٹ دے اعداد و شمار بارے بریفنگ دتی۔
ایس حوالے نال بلاول بھٹو زرداری نے آکھیا کہ بجٹ بارے تحفظات تے حکومت نال گل بات جاری اے، اسحاق ڈار نال ملاقات ہوئی اے تے ہور گل بات بھی ہووے گی۔
ایہ وی پڑھو: وزیراعظم دی نیت صاف اے، چنگا ہوندا حکومت اتحادیاں نال گل بات کر کے بجٹ بناندی: بلاول بھٹو بلاول بھٹو نے حکومت نوں بجٹ منظوری وچ تعاون دا یقین دوا دتا
گورنر کے پی فیصل کریم کنڈی تے پی پی خیبر پختونخوا دے صدر محمد علی شاہ باچا نے بھی چیئرمین پیپلز پارٹی نال ملاقات کیتی۔
ایس موقعے تے بلاول نے خیبر پختونخوا وچ کنک (گندم) دی تھوڑ (قلت) دے بحران تے چنتا (تشویش) دا اظہار کیتا تے گورنر نوں اپنا کردار ادا کرن دی ہدایت کردے ہوئے آکھیا کہ خیبر پختونخوا دا مقدمہ ساریاں سیاسی جماعتاں نوں نال لے کے لڑن۔
