اسلام آباد: تاریخ وچ پہلی وار خصوصی ایپ ’’محفوظ محرم‘‘ تیار
اسلام آباد: اسلام آباد وچ امام بارگاہواں، مجالس تے جلوساں دے مقامات دی ڈرونز نال ڈیجیٹل نگرانی کیتی جاوے گی۔
وفاقی وزیر داخلہ محسن نقوی دی زیرِ صدارت محرم الحرام دے دوران سکیورٹی تے ہور انتظامات متعلق جائزہ اجلاس ہویا۔
وزیر داخلہ ولوں مجالس تے جلوساں دی حفاظت لئی 4 درجاتی حصار تے داخلی و خارجی راستیاں اُتے سخت چیکنگ دا حکم دتا گیا تے آکھیا گیا کہ امن و امان برقرار رکھن لئی علمائے کرام نال قریبی رابطہ رکھیا جاوے۔
دارالحکومت دی تاریخ وچ پہلی وار خصوصی ایپ “محفوظ محرم” تیار کیتی گئی اے، ایپ راہیں شہری مشتبہ بندے، مشکوک سرگرمی یا نامکمل حفاظتی انتظامات دی اطلاع دے سکن گے۔
شہریاں نوں لائیو لوکیشن تے امیج شیئرنگ دی سہولت وی میسر ہوئے گی، ایس توں وکھ سیف سٹی وچ مرکزی کنٹرول روم وی قائم کیتا گیا اے۔
